திருப்பள்ளி எழுச்சி

மாணிக்கவாசகர் திருப்பெருந்துறையில் அருளிய பத்து பாடல்கள் திருப்பள்ளியெழுச்சி என்படும். இந்த பத்துப்பாடல்களும் சிவபெருமானை துயில் எழுப்பும் நிலையில் அமையும் திருப்படல்களாகும். சுப்ரபாதம் பாடி பெருமாளைத் துயிலெழுப்புவது போல சிவபெருமானை துயில் எழுப்பம் நிலையில் அமைந்த மரபு வழிப்பட்ட பாடல்கள் இவை. தினந்தோறும் அதிகாலையில் நீராடியவுடன் பாராயணம் செய்ய வேண்டிய நூலே திருப்பள்ளியெழுச்சியாகும்.
போற்றி என் வாழ்முதல் ஆகிய பொருளெ!
புலர்ந்தது பூங்கழற் கிணைதுணை மலர்கொண்டு
ஏற்றிநின் திருமுகத் தெமக்கருள் மலரும்
எழில்நகை கொண்டுநின் திருவடி தொழுகோம்:
சேற்றிதழ்க் கமலங்கள் மலரும் தண் வயல்சூழ்
திருப்பெருந் துறையுறை சிவபெரு மானே!
ஏற்றுயர் கொடியுடையாய்! எமை உடையாய்!
எம்பெருமான்! பள்ளி எழுந்தருளாயே!
பொருள்:"என் வாழ்வுக்கும் வளத்துக்கும் காரணகர்த்தாவாக அடிப்படையாக அமையும் முதல்வன் நீ. சேற்றில் நி்ன்று தாமைரகள் தம் இதழை விரித்துக் கொண்டிருக்கும் குளிர்நந்த வயல்களால் சூழப்பட்ட திருப்பெருந்துறையில் கோயில் கொண்டுள்ள சிவபெருமானே! என்னை அடிமையாகக் கொண்டவனே! எம்பெருமானே! உம்மைப் போற்றுகிறேன். பொழுது விடிந்து விட்டது. உன் அழகிய பாதங்கள் இரண்டுக்கும் இணை யான மலர்களைக் கொண்டு பூசனை புரிந்தும் எங்களுக்கு அருள் செய்வதற்காக உன் முகத்தில் மலரும் அழகிய புன்னகையை எங்கள் உள்ளத்தில் தேக்கிக் கொண்டு உன் திருவடியை வணங்குகிறோம். பள்ளியில் இருந்து எழுந்து அருள் செயவாயாக" என்பது இப்பாடிலின் பொருள்.